منتديــــــــــــــــــات سمـــــــــــــــــــــــو الشــــــــــــــــــــــــعر


 
الرئيسيةنعماليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 عدنان ولينا باللهجه السعوديه

اذهب الى الأسفل 
كاتب الموضوعرسالة
البدوية



انثى عدد الرسائل : 15
العمر : 39
الموقع : شمس الاردن
العمل/الترفيه : ربة بيت
المزاج : رايق
تاريخ التسجيل : 20/10/2008

مُساهمةموضوع: عدنان ولينا باللهجه السعوديه   السبت نوفمبر 15, 2008 3:01 pm

عدنان يتحدى الصعاااااب
عدنااااااان عدنااااااااان غالي

البدااااااااااااية*************************** ***


عدنان : شفيك يالينا معصبه؟
لينا : مدري ياخوك احس اني بنخطف زي كل مره
عدنان : يهبووون سميرة وعلام وكل جنود القلعة
لينا : مانيب مرتاحه احس اني خايفه وشكلهم بيخطفوني
عدنان: اللي يقرب منك بتوطاه هنااااااااااا وادوووس على خشته واوطا في بطنه
لينا: يابعد قلبي ياعدنان. .. انا اشهد انك ذيب
عدنان: احم احم تسلمين.. المهم وين عبسي؟؟
لينا: مدري يمكن يصيد ضفادع عشان الغداء
عدنان: وع الله يقرفه ذا الشين... المشكله انه خويي ولازم اتحمل بلاويه
لينا: يمه يمه .. اسمع صوووت طيارة سميرة يااااويلي!!
عدنان: لاتخافين وقفي وراااي واللي يقول عن نفسه رجال يقرب منك
,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,, ,,,,,
**سميره مع الجنود نزلو من الطياره**
**سميره تتكلم بالمايك من بعيد**(سميره) : سلم نفسك ياعدنان ولاترز وجهك
عدنان : اقول انقلعي بس ولايكثر وارجعي من محل ماجيتي
سميره: انزح وراك... وخلنا نخطف لينا براحتنا
عدنان : يخطفك جني يالساااااحره.. اللي يرشها بالميه ارشه بالدم
سميره : اقول لاتتميلح وتسوي نفسك ذيب اوكي.!!
عدنان : لينا ماتبيكم ولا تبي عيشتكم.. لينا خطيبتي وانا متكفل بكل مصاريفها
سميره: الله واكبر على المصاريف؟ كلها فستان واحد وطق لونه من كثر الغسيل
عدنان<*****<***** طاح وجهه هع هع
لينا: انتي عاوزه ايه؟ انا موش هينا انا خرجت بره
سميره: اقول انطمي انتي الثانيه لاتسوين نفسك مصرية وتلعبين علي... ترى حركاتكم هذي معروفة
عدنان: ماعاش اللي يقول حق لينا انطمي... شكلي بشوتك باند من الجزيره**صارت معركة قوية بين عدنان والجنود**
**في البداية عدنان صفقهم وبعد شوي طاح في الارض وتوطو بطنه**
**الجنود خطفو لينا في الطياره وانطلقو الى القلعة**
عبسي: عدنان لماذا انت نايم؟ شفيك؟؟
عدنان: اي.. اح.. ضلوعي متكسرة والركب تتصافق
عبسي: لماذا؟ ماذا حدث؟
(عدنان) : اقول انطم بس... سميرة والجنود كانو هنا وتمردغوني وخذو لينا للقلعة
(عبسي) : افا ياذا العلم؟ لماذا لم تناديني عشان اسوي فزعه؟
(عدنان) : وانا وش عرفني في اي جحر انت؟ طوول يومك تحووس ورى هالضبان والضفادع اقرفتنا في عيشتنا ياشيخ
(عبسي) : طيب ماذا سنفعل الحين؟
(عدنان) : ابيك تراقب الميناء اذا شفت سفينة القبطان نامق علمني عشان نطمر فيها
(عبسي) : حسنا ياسيدي <*****<***** ماسكه معه الفصحى خخخخخخ
**بعد ساعتين مرت السفينه**
(عبسي) : عدناااان وصلت السفينه هيااا بنا
(عدنان) : اسمع خلنا نتوزى في المخزن حق السفينة واذا وصلنا للقلعه ننطلق ورى لينا
**وصلت السفينة الى القلعة**
(عدنان) : انا بروح ادور لينا.. وانت وش بتسوي؟
(عبسي) : انا بفتح اللاب توب واشيك على ايملاتي لين ترجعون <*****<***** وشو له جاي؟؟ لوووووووول
(عدنان) : انتبه لاحد يشوفك وتوهقنا!! ترى كلها ساعه نسحب لينا ونعود ديرتنا
(عبسي) : لاتخاف اذا حد شافني بقولهم انا برب في المنتدى
**عدنان وصل الى غرفة لينا ويكلمها من ورى الشباك **
(عدنان) : حياتي ليونه وحشتيني <*****< حلوه ليونه لووووووول
(لينا) : هلا والله... ولكمووووووووو نورت ا.. شخبارك؟ شخبار الوالده؟
(عدنان) : يسلمووووووووو... كلنا بخير ومشتاقين لك(لينا) : تشتاق لكم العافية
(عدنان) : وانتي شلونتس؟ وش علومتس؟
(لينا) : يووووه انا طفشانه مررره وكل شوي يطقوني
(عدنان) : ولايهمك اوريهم... على فكره ترى عبسي جاء معي ويسلم عليك
(لينا) : وينه الشين؟؟ شخباره؟ عساه طيب؟
(عدنان) : ابشرك بخير ونعمة... والرجال يحترينا عند السفينة
(لينا) : طيب يالله انقذني بسرعه وراك تحب السواليف؟
(عدنان) : ابعدي شوي تراني بضرب القزازه براسي واكسرها
** تم انقاذ لينا وانطلقو الى السفينه***
(عدنان) : عبسي يالله سرينااااااا
(عبسي) :ولكموووووووو نورت هلا وغلا
(لينا) : ياشباب ترى سميره تركض ورانا بالمشعاب.. بسرعه نبغا نهرب في السفينة
(عبسي) : المصيبة ان القبطان نامق نايم مع وجهه
(عدنان) : دق عليه جوااال وخله يصحى ماعاد فيه وقت
**اتصــــــال**
(نامق) : الووو.. مين معي؟
(عبسي) : نامق تكفى ترى تكفى تهز رجال
(نامق) : ابشر بعزك... امر وش بغيت؟
(عبسي) : قم شغل السفينه وخذنا معك نبغا نهرب من سميرة
(نامق) :ياويل حظي لاتقول سميره ترى اخق من طاريها
(عبسي) : اقول بلا هذره اخلص علينا نبغا نفرك من هنا
(نامق) : اوكي تعال السفينة وماعليك انا بتصرف
**ركبو السفينة ونامق نزل عشان يتكلم مع سميره**
(سميره) : وينهم؟ وين خبيتهم؟؟ اعترف؟
(نامق) : ياويل حالي.. عليك عيون ماهيب صاحية
(سميره) : اقول انقلع بس.. وين لينا؟؟
(نامق) : سميره مستعد اعطيك لينا لكن عطيني قلبك تراني خقيت واللي كان كان
(سميره) : هاهاهاها ضحكتني... قلبي وش تبي فيه؟
(نامق) : أويلااااه على قلبك.. ابيك تكونين حبيبتي وتاخذين رقمي ونسولف تالي الليل
(سميره) : يارجال استح على وجهك ترى جوالي سوا <*****<***** يعني افهمها واشحن لوووول
(نامق) : كل بطاقات السوى تفداااااك بس خليني اسكن قلبك لو ليله وحده كح
(سميره) <*****<***** تناظر في جزمتها يقالهامستحيه<*****<***** ههههههه
(نامق) : وش فيك تناظرين جزمتك؟ ناويه تضربيني صح؟
(سميره) : لا شدعوه... بس كنت أفكر في جوال n 70 يقولون فيه بلوتوث وحركات
(نامق) : شركة نوكيا بكبرها ماتغلى عليك ياقلبي
(سميره) : يؤيؤ لهدرجه تحبني؟؟
**عدنان طل براسه من السفينه**
(عدنان) : ماخلصتو انتو؟؟ ياخي رقمها وفكنا... نبي نمشي
(سميره) : تمشي في عينك.. انا بروح معكم لووول
(نامق) : تفضلي ياقلبي ادخلي برجلك اليمين
(لينا) : يمه يمه.. سميره بتروح معنا؟؟ انا خايفه تضربني
(عدنان) : لا تخافين... نامق مسيطر على الوضع
(عبسي) : كفوو نامق.. الحين نقدر نعيش مرتاحين
*****نهايـــــــــــــــــــــــــــــــة سعيـــــــــــــــــــــــــــــدة****






البحر ينسى غريقه والورد ينسى عبيره لكن الحبيب ما ينسى اسم حبيبه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.omri.forumotion.com
سوسنة السلط

avatar

انثى عدد الرسائل : 650
العمر : 32
تاريخ التسجيل : 24/06/2008

مُساهمةموضوع: رد: عدنان ولينا باللهجه السعوديه   السبت نوفمبر 15, 2008 7:20 pm

ههههههههههههههههههههههههههه خوش قصه هي هي هي هي

مشكوووووووورة اختي للموضوع الجميل تقبلي مروري ويعطيكي الف الف عافيه تابعي تالقك

_________________
اردنيه وافتخر والي مش عاجبه ينتحر ----- وبكتب على قبرة حاول يقهر اردنيه وماقدر

لو كان حب السلط جريمه ----- فليشهد التاريخ اني اكبر مجرمة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منال

avatar

عدد الرسائل : 235
تاريخ التسجيل : 25/06/2008

مُساهمةموضوع: رد: عدنان ولينا باللهجه السعوديه   الثلاثاء نوفمبر 18, 2008 7:47 pm

شكرا على المموضع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عدنان ولينا باللهجه السعوديه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديــــــــــــــــــات سمـــــــــــــــــــــــو الشــــــــــــــــــــــــعر :: الفئه الاولى :: قسم النكت والفرفشه-
انتقل الى: