هذي قصة شاعر ليبي مشي لمدينة سبها جنوب ليبيا
المهم دخل الجامعة لقي وحدة حلوة وجذابة المهم قاللها
ممكن سؤال؟ قالتله اتفضل قاللها شنو اسمك قالتله
اسمي حنان قاللها
اسلوب كلامك ياحنان اتقول الحان انعزفن باوتار الكمان
اسلوب حنون ايداوي الي قلبه مطعون كلامك يحرق في المكنون
ونار اتشيط بلا دخان انتي زينة يافيك عيون كحيلة من عند الرحمن
الحاجب معدول وموزون شفايف كيف حب الرمان
اهدوب طوال وسود جفون اخدودك كيف الورد الرويان
جمالك ماريته في كون ولا في الانس ولافي الجان
وعمري ابكلما تك مرهون ان عانتني انموت وندفان
ان وافقتي انجيب الماذون وانديرو عرس وعقد وقران
انديرو حفل كبير ايكون في فندق فاخر في اليونان
حفل كبير فيه فنون وانجيبو راغب من لبنان
انجيبو مايكل جاكسون ومادونا من الامريكان
وفنانين من الجابون ومن الهند وباكستان
معازيم ايكونو مليون في كل مكان عرسي وعرسك عنوان
وان شاء الله تنال اعجابكم
تحياتي الصقع الليبي
سلام