قاله ياخوي
خليك بين الناس فاعل خير والعمر مهما طال راهو قصير
خليك ديما صافي كيف العسل حلو وشافي
لاتهين غير بشر لاتكافي مهما حصلك من قلا ل الخير
ولاتخون من خانك وخليك وافي
ولاتبيع حق الناس بالتزوير
لاتكون شين طبايع ولاتكون مرخي في كلامك مايع
ولاتعيش بين الناس حقك ضايع
ولاتكون قاسي عالضعيف اتغير
وارحم الي محتاج والي ضايع
وازرع الفرحة في قلوب الغير
خليك ديما عادي مهما علاشانك جميل مباديء
تبرم بعد زهوات جاي وغادي
من بعد العلاوي تحذفك في بير
خلي كلامك ديما للناس خير و للعدو تبسيمة
والحق مايحتاج للملام والي ظلم ماينفعه تبرير
ومهما حصلك العيب مااتدير
خليك ديما طيب فزاع للصاحب ودوم قريب
لاتخون جار ولا رفيق اتسيب
واردع الظالم والضعيف ماتهين
ولاتعاتب ولاتغلط ولا اتدير خصومه
الزين والحر وولد الاصل ديما في العلالي سوما
والصقر ماينزل منازل بومه
والي بلاجنحان كيف ايطير؟
والسبع ماياكل الي مردومة
والحر مايرضي العيب ايدير
خلي الخير ديما ساسك =حيطك
وخلي افعالك دوم هن حراسك
واسلمتو ياغوالي
سلام
ط